Adfer Bioamrywiaeth

Mae bioamrywiaeth yn cyfeirio at yr amrywiaeth o blanhigion, pryfed, anifeiliaid, ecosystemau a chynefinoedd mewn ardal.  

Ymhlith y cynefinoedd allweddol yn Nhorfaen mae coetir collddail hynafol, gwlypdiroedd, glaswelltir cyfoethog o rywogaethau a rhos yr ucheldir sy’n gyfoeth o rug.  

Ceir sawl rhywogaeth nodedig yn Nhorfaen, gan gynnwys:  

• Tua 20 o rywogaethau sydd o flaenoriaeth yn y DU
• 136 o rywogaethau y mae eu lefelau poblogaeth yn achosi pryder
• 40 o rywogaethau o ddiddordeb

Yr hyn yr ydym yn ei wneud

• Cyhoeddodd y Cyngor argyfwng Hinsawdd a Natur ar y cyd ym mis Medi 2021. Mae’r Cynllun Gweithredu Argyfwng Hinsawdd a Natur yn amlinellu ystod o fesurau i ddiogelu a gwella bioamrywiaeth ac ecosystemau lleol
• Mae ein Cynllun Sirol yn cynnwys Amcan Llesiant i ymateb i’r argyfwng hinsawdd a natur. Mae cynlluniau cyflawni blynyddol yn amlinellu sut mae hynny'n cael ei gyflawni
• Mae ein Strategaeth Seilwaith Gwyrdd a’n Strategaeth Coed yn amlinellu sut yr ydym yn bwriadu gwella a diogelu coed a mannau gwyrdd
• Bob tair blynedd rydym yn paratoi adroddiad yn nodi sut yr aethom ati i cymhwyso Dyletswydd Bioamrywiaeth a Gwydnwch Ecosystemau Llywodraeth Cymru - Adroddiad Dyletswydd Bioamrywiaeth a Gwydnwch Ecosystemau 2020-2022
• Rydym hefyd wedi llunio cynllun sy'n nodi sut y byddwn yn cydlynu'r gwaith o weithredu'r ddyletswydd bioamrywiaeth ar draws y cyngor
• Rydym yn gweithio'n agos gyda sefydliadau eraill, gan gynnwys awdurdodau lleol cyfagos, Partneriaeth Natur Leol Blaenau Gwent a Thorfaen a Phartneriaeth Grid Gwyrdd Gwent.

Sut y gallwch chi helpu

• Gadewch i rannau o’ch gardd dyfu’n fwy gwyllt a chyflwynwch flodau gwyllt
• Ceisiwch osgoi newid mannau gwyrdd i arwynebau caled nad ydynt yn amsugno dŵr
• Crëwch dyllau mewn ffensys i alluogi anifeiliaid fel draenogod i symud o gwmpas
• Tyfwch eich ffrwythau a'ch llysiau eich hun
• Cymerwch rhan mewn prosiect perllan cymunedol
• Cofnodwch fywyd gwyllt yn eich ardal leol a rhannu'r wybodaeth ar System cofnodi Canolfan Cofnodion Bioamrywiaeth De-ddwyrain Cymru ar lein